cerveza aleale

Fresca, natural, sin pasteurizar


Sabor e proximidade

Elaboramos cervexa artesanal, buscando que o seu sabor identifique tamén a súa naturalidade e frescura.

Facemos cervexa prácticamente baixo demanda, para que o produto chegue a tí en condicións sempre óptimas e con todas as súas propiedades. Concebimos a cervexa artesanal como un produto vivo, sen aditivos ou coadyubantes, sen conservantes engadidos, elaborado a pequena escala, con maltes ecolóxicas e con atención permanente. Coidamos as nosas cervexas, tratando de que todos os pasos ata chegar a tí, cumplan co que consideramos que é indispensable para preservar a súa calidade e aromas. Cervexa AleAlé xurde coa vontade de constituirse como un proxecto de proximidade que aporte sabor e diversidade na nosa cultura cervexeira.

A pé de rúa

Gústanos a xente e interésanos fomentar a cultura e os nexos de unión, por iso poñemos o noso pequeno gran de area tratando de estar preto de vos, de divertirnos con vos, de propoñer actividades que fomenten o traballo en rede, a colaboración e visibilizar as artes e a cultura.

Acudimos a eventos alí onde nos chaman e tamén levamos a cabo proxectos relacionados coas artes , a natureza e o deporte, a memoria histórica, a ecoloxía e a ruralidade.

Algunhas das propostas nas que participamos son o Encontro de Artes, Música e Ecoloxía Reina Loba na aldea ourensá de Os Blancos, os concertos acústicos de Sofar Sounds Coruña e outros que xa deixamos atrás como a Romaría do Monte de San Pedro, ou o Festival Vibra Balboa.

As nosas botellas son vestidas polo artista Zesar Bahamonte, gran amigo e parte de este proxecto.

Colaboracións

En Cervexa AleAlé, colaboramos con outras organizacións e cervexarías, a fin de dar vida a unha nova cultura cervexeira en Galicia, que de feito, non é nova, sinon que reúne o coñecemento e a tradición de moitos séculos de historia global. Podes atopar unha das nosas iniciativas en Beber Cercanía.

Somos parte da Pink Boots Society para impulsar ademáis a presencia femenina no sector e financiar actividades formativas de xeito colaborativo.

Traballamos man a man coa Asociación cultural Meiro, na aldea de Meiro, Bueu, para poñer en valor o noso patrimonio fitoxenético a través da creación de cervexas elaboradas con Millo Corvo, variedade tradicional galega, apoiando o traballo de recuperación que están a levar a cabo dende a asociación.

Unha vez máis temos a sorte de contar co apoio de artistas comprometidos como Luís Davila, que cedeu unha das súas ilustracións para vestir as nosas botellas.